Ошто Улуттук коопсуздук боюнча мамлекеттик комитеттин (УКМК) 49 кызматкерине бардык шарты бар батирлер берилди. Ачкычтарды тапшыруу салтанаты 17-ноябрда Коопсуздук кеңешинин катчысы Дамир Сагынбаевдин катышуусуда өткөнүн мекеменин басма сөз кызматы кабарлады.
Сагынбаев мамлекет бүт аймактарда күч тармагында иштегендердин турак жай маселесине өзгөчө көңүл бурарын белгиледи.
Ушул тапта Каракол шаарында УКМК кызматкерлерине курулуп жаткан үй аяктап калды.
Жогорку Кеңештин депутаты Жанарбек Акаев 15-ноябрда 2019-жылдын бюджетин талкуулаган жыйында мугалимдерге жана дарыгерлерге үй куруу маселеси чечилбей, күч тармактарына гана көңүл бурулуп жатканын сындаган. (SE)
