Линктер

ЧУКУЛ КАБАР!
25-Июль, 2024-жыл, бейшемби, Бишкек убактысы 16:07

Түлеев: Атамбаевди камаш керек, Жээнбековду колдойлу


Нариман Түлеев.
Нариман Түлеев.

Нариман Түлеев экс-президент Алмазбек Атамбаев камалат деп эсептейт. Мындай пикирин ал бүгүн Бишкекте өтүп жаткан “Кыргызстан: кечээ, бүгүн, эртең” курултайында билдирди.

Түлеев Атамбаев менен бир учакка чогуу отуруп калып 3,5 саат сүйлөшкөнүн, “акыры камаласың деп баарын бетине” айтканын, ал “макул” дегенин айтты. “Камалууга да даяр экен бул киши” деп кошумчалады.

- Атамбаевди камаш керек – бул бүгүнкү иш. Эртеңки иш – мен урматтуу Сооронбай Шариповичти тааныбайм, өмүрүмдө колун кармап көргөн эмесмин, бирок, мына “мени досум сатып кетти” деп жатат, ошол киши кыргыз элди сатпай, өзүнчө президент болушуна башыбызды ийип беришибиз керек. 2019-жылга чейин убакыт берели деп жатышпайбы, 2020-жылга чейин убакыт берип, колдоп беришибиз керек. Ушул президентти колдоп бериш керек!

Бүгүн бир катар коомдук-саясий ишмерлер жана уюмдар Бишкекте курултай уюштуруп, экс-президент Алмазбек Атамбаевдин алты жылдык жана азыркы мамлекет башчысы Сооронбай Жээнбековдун иш мөөнөтүнүн алгачкы бир жылына баа берип жатышат. (BTo)

XS
SM
MD
LG