Улуттук банк 7-декабрда валюта базарына 35 миллион 150 миң доллар интервенция жасады. Бул жыл башынан бери долларды туруктуу кармоо үчүн эң көп суммадагы интервенция болуп калды. Буга чейин 27-ноябрда негизги валюталык регулятор валюта базарына 24.1 миллион доллар чыгарган эле. Учурда Бишкектеги акча алмаштыруучу жайларда доллардын сомго карата орточо курсу 69 сом 80 тыйынды түзүүдө.
Улуттук банк доллардын курсунун кескин өзгөрүшүн алдын алуу үчүн маал-маалы менен интервенцияларды кылып турат. (BkA)
