Президент Сооронбай Жээнбеков мамлекет башчысы болуп шайлангандан бери биринчи жолу журналисттер үчүн басма сөз жыйынын өткөрүп, жыл жыйынтыгын чыгарат. Бул тууралуу "Азаттыкка" президенттик аппараттын өкүлдөрү билдиришти.
Басма сөз жыйыны "Ала-Арча" мамлекеттик резиденциясында 19-декабрда өтөт.
Кыргызстан социал-демократиялык партиясынан (КСДП) көрсөтүлгөн талапкер Сооронбай Жээнбеков 2017-жылдын 15-октябрындагы президенттик шайлоодо жеңип чыккан. Ошол жылдын 24-ноябрында кызматына расмий киришкен. Айрым маектерин кошпогондо президент бул аралыкта жалпыга маалымдоо каражаттарына дээрлик интервью берген жок. (ErN)
