Линктер

ЧУКУЛ КАБАР!
28-Ноябрь, 2021 жекшемби, Бишкек убактысы 11:18

Митингчилер КТРКнын имаратына чогулуп эфирден убакыт талап кылышты


КТРКнын алдындагы митингчилер.

Бишкектин борбордук аянтына чыгып, Кыргызстанда мыйзамсыз жүргөн кытайлык мигранттарды өлкөдөн чыгарууну талап кылган 300дөй киши КТРКнын имаратына барып, эфир талап кылышты.

Коомдук телерадиокорпорациянын жетекчиси Илим Карыпбеков митингчилерге чыгып, "Ала-Тоо 24" каналынан митинг тууралуу сюжет түрүндө жаңылык кетирүүгө убада берди.

Митингчилер "Жерибизди сактайбыз", "Келечек үчүн", "Кытайлар кетсин" деген жазууларды кармап турушат.

Буга чейин ушундай эле митинг борбордук аянтта өткөн. Аянтка чыккан катышуучулар эч кандай уюштуруучулары жок өз ыктыяры менен келгенин айтышты. Катышуучулар митингге Кара-Балтадан жана Бишкектин айланасындагы жаңы конуштардан келишкен.

Өткөн жылдын декабрь айында "Кыргыз чоролору" коомдук бирикмеси Кытайдын Кыргызстандагы элчилигинин алдында тынчтык митингин өткөрүп, Кытайдын Шиңжан аймагындагы тарбиялоочу лагерлерде отурган кыргыздардын абалына тынчсыздануусун ортого салган.

Буга чейин "WatsApp" аркылуу 7-январда Кыргызстандагы кытайлардын маселесине арналган митинг өтө тургандыгы жөнүндө билдирүүлөр тарап келген. Бирок "Кыргыз чоролору" аталган митингге тиешеси жок экенин билдирген.

Бүгүн, 7-январь иш күнү болбогонуна байланыштуу кийинки митинг 17-январга белгиленди. (AIA/KR)

Пикирлерди көрүңүз (34)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG