Линктер

ЧУКУЛ КАБАР!
3-Март, 2021 шаршемби, Бишкек убактысы 09:09

СССРдин Жогорку Кеңешинин акыркы төрагасы Лукьянов көз жумду


Анатолий Лукьянов (архивдик сүрөт).

Москвада СССРдин Жогорку Кеңешинин акыркы төрагасы Анатолий Лукьянов 88 жашында көз жумду. Бул тууралуу РБК агенттигине билдирген кызы Елена Лукьянованын айтымында, атасы катуу ооруп жаткан.

Анатолий Лукьянов 1930-жылы Смоленскте жарык дүйнөгө келген. 1943-жылдан тартып заводдо иштеп баштаган. 1953-жылы МГУнун юридикалык факультетин аяктаган. Университетти бүткөндөн кийин өкмөттүк түзүмдөрдө иштеген. 1961-жылы СССР Жогорку Кеңешинин президиумунун аппаратында карьерасын баштаган.

1990-жылы Михаил Горбачев СССРдин президенти болуп шайлангандан кийин Лукьянов СССРдин Жогорку Кеңешинин төрагасы кызматын ээлеген. 1991-жылы ГКЧП окуясына байланыштуу кармалган.

1994-жылы мунапыс менен бошотулган. Лукьянов 1994-2000-жылдары Орусия Федерациясынын Коммунисттик партиясынын Борбордук комитетинин президиумунун мүчөсү болгон.

XS
SM
MD
LG