Токмок шаарында колу жука 30 үй-бүлөгө жети тонна көмүр таратылды. Аны шаардык хатибият "Биримдик-Токмок» ишканасы жана жергиликтүү тургундары менен бирге уюштурду. Муфтияттын басма сөз кызматы 17-январда билдиргендей, 250 кишиге акысыз түшкү ысык тамак да уюштурулду.
- Бул ишибизди мындан ары улантууну максат кылуудабыз, - деди Токмок шаарынын башкы имам-хатиби Имиржан Касымов.
Мындай кайрымдуулук иш-чаралары түрдүү аймактарда жыл сайын уюштурулат.
Быйыл көмүрдүн баасы ар кайсы аймактарда килограммы 3,5 сомдон 8 сомго чейин сатылууда. (SE)
