Линктер

ЧУКУЛ КАБАР!
8-Март, 2021 дүйшөмбү, Бишкек убактысы 22:23

Канадада мечиттеги алты кишини өлтүргөн киши 40 жылга кесилди


Кол салуу болгон жер.

2017-жылы Канаданын Квебек шаарында мечиттеги алты кишини өлтүргөн канадалык жаран 40 жылга кесилди. Бул тууралуу Рейтер маалымат агенттиги кабарлады.

Сот 29 жаштагы Александр Биссоннеттке өкүмүн окуп жатып, ал "мигрант мусулмандарды жек көрөрүн" айтканын эскерди:

- Сиз алты кишинин өмүрүн алар болгону сизден айырмаланып тургандыгы үчүн кыйдыңыз. Сиздин жек көрүүңүз жана расисттик мамилеңиз алардын өмүрүнө, сиздин жана жакындарыңыздын тагдырына балта чапты. Сиз кылган кылмыш эң жогорку айыптоого татыктуу, - деди сот Франсис Хот.

Сот айыптоочу тараптын Александр Биссоннетти 150 жылга эркинен ажыратуу өтүнүчүн четке кагып, мындай өкүм Канада өлүм жазасынан баш тарткандан берки тарыхындагы эң катаал өкүм болмок деп айтты.

Канаданын премьер-министри Жастин Трюдо 2017-жылдын 29-январында болгон бул окуяны террордук акт катары сыпаттаган. Анда Биссоннетт Квебек шаарындагы мечитке кирип барып куптандан кийин сүйлөшүп отурган 40 эркекке жана төрт балага ок чыгарган. (KR)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG