Линктер

ЧУКУЛ КАБАР!
8-Декабрь, 2021 шаршемби, Бишкек убактысы 16:55

Мектепке барбаган майып балдардын так саны жок


Иллюстрациялык сүрөт.

Бул тууралуу вице-премьер-министр Алтынай Өмүрбекова 13-февралда Билим берүү жана илим министрлигинин жылдык коллегиясында сүйлөгөн сөзүндө билдирди. Вице-премьер-министр министрликтин маалыматтары менен Эмгек жана социалдык өнүгүү министрлигинин маалыматы дал келбегенин сындады:

- Билим берүү жана илим министрлиги "мектепке барбаган майып балдар эки миң чамалуу" десе, Эмгек жана социалдык өнүгүү министрлиги "андай балдардын саны беш миңден ашуун" деп жатат. Мындай маалыматтар так болушу керек. Балдарды мектепке тартууга адегенде Билим берүү жана илим министрлигинин кызыкчылыгы болууга тийиш, - деди Алтынай Өмүрбекова.

Кыргызстанда майыптыгы бар балдардын саны отуз миңден ашат. Жалпы өлкө боюнча мүмкүнчүлүгү чектелүү балдарга саналуу гана атайын көмөкчү мектептер каралган. Алардын көпчүлүгү Бишкек шаарында жайгашкан. (ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG