Кыргызстандын Орусиядагы элчилиги кыргызстандык келин Москвада баласын сатууга аракет кылганы тууралуу маалыматты иликтөөдө. Бул тууралуу “Азаттыкка” элчиликтин расмий өкүлү Гүлбарчын Байымбетова билдирди.
Орусиянын маалымат каражаттары 1 миллион рублга ымыркайын сатканы жаткан 23 жаштагы кыргызстандык келин кармалганын жазышкан. Маалыматтарга караганда, келин баласын асырап ала турган ата-эне издеп жатканын социалдык тармактарга жазган. Ал акчаны алып, ымыркайды кардарга берип жаткан жеринен 5-мартта колго түшкөнү айтылат. Полиция кылмыш ишин козгоп, тергөө иштерин баштаган.
Элчилик бул кабарды маалымат каражаттарынан укканын, учурда аны тактап жатышканын билдирди. (КЕ)
