Кыргыз-тажик мамлекеттик чек ара тилкесиндеги кырдаалга байланыштуу өкмөт Баткен-Исфана-Баткен авиакаттамын уюштурууну чечти.
Өкмөттүн басма сөз кызматы билдиргендей, алгачкы каттам 16-мартта саат 13:00дө болот. Учуу аралыгы 30 мүнөт. Аны «Tez Jet» компаниясы аткарат.
Билет баасы 4 жашка чейинки балдарга бекер, 12 жашка чейин 500 сом, чоңдор үчүн 1000 сом.
Аталган авиакаттам жумасына бир жолу (дүйшөмбү күнү) такай учуп турат. Андан тышкары, аптасына эки жолу - жума күнү да учуруу маселеси каралып жатат. (SE)
