Бишкектин мэриясы көп кабаттуу үйлөргө жана мекемелерге жылуулук берүүнү токтотуу маселесин 18-мартта карайт. Бул тууралуу мэрия кабарлады.
Маалыматка ылайык, аба ырайы беш күн катары менен 8 градустан төмөн болбосо, жылуулук берүү токтотулат.
Айрым шаардыктар батирлер ысык болуп жатканын социалдык тармактарга жазып, мэриядан жылуулук берүүнү токтотууну суранышууда.
Быйылкы кышкы мезгилдеги жылуулук өткөн жылдын октябрь айында бериле баштаган. (ZKo)
