Линктер

ЧУКУЛ КАБАР!
9-Март, 2021 шейшемби, Бишкек убактысы 07:41

Ташиев: Кыргыз-тажик чек арасы боюнча протоколдорду ачыкка чыгарыш керек


Камчыбек Ташиев активист Бактыяр Калпаев менен басма сөз жыйынын өткөрүп жатат. Бишкек, Кыргызстан. 19-март, 2019-жыл.

Жогорку Кеңештин мурдагы депутаты Камчыбек Ташиев Баткендеги кырдаал менен таанышып чыккандан кийин Бишкекте басма сөз жыйынын өткөрдү. Ал анда «кыргыз-тажик чек арасы боюнча соңку протоколдор тууралуу коомчулук билиши керек, ачык айтылышы керек» экенин айтты.

«Протоколдор сыр болбошу керек. Мындай документтер жабык болгон үчүн ушундай жаңжалдар чыгып жатат. Тажик тарапка тымызын өтүп кеткен жерлер бар. Мурда кыргыз тарап ээн-эркин өтүп жүргөн жерлерде азыр тажик жарандары жыш үй салып алган», - деди Ташиев басма сөз жыйынында.

Камчыбек Ташиев 14-мартта «Фейсбуктагы» баракчасында «бийлик мурдагыларга окшоп эле чек ара маселесин чече албайт» деп билдирүү тараткан. Сөзүн «Азаттыкка» ырастаган саясатчы өзү Баткенге барып, Баткен облусунун тургундары менен жолугушуп, кыргыз-тажик чек арасындагы окуялар боюнча ойлорун айтты. Анда экс-депутат жаңжалды тынчтык жолу менен чечүүгө чакырды.

Кыргыз-тажик чек арасындагы жаңжал 13-мартта чыгып, 14-мартта да уланды. Андан кыргыз тараптан үч адамга ок тийди, тажик тараптан эки адам өлүп, бир нече киши жарадар болгону кабарланды. (ErN)

Пикирлерди көрүңүз (49)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG