Ошто мыйзамсыз курулган май куюучу жайлар алынат

21-Март, 2019

Ош шаарынын мэри Таалайбек Сарыбашов кырсык болгон жерде

Ош шаарында коопсуздук талаптарына жооп бербеген жана мыйзамсыз курулган май куюучу жайлар алынат.

Ош шаардык мэриясынын басма сөз кызматы кабарлагандай, бул тууралуу шаар мэри Таалайбек Сарыбашов май куюучу жайдан чыккан өрттөн кийин билдирди.

Эми атайын түзүлгөн комиссия шаардагы май куюучу жайларды текшерип чыгат.

20-мартта кечке жуук Ош шаарынын Түштүк-Чыгыш кичирайонундагы Исанов көчөсүндө жайгашкан май куюучу бекеттен өрт чыккан. Өрттү өчүрүүгө жалпы беш бөлүм тартылган.

Өрттөн эки адам жабыркап, биринин абалы оор, экинчисиники орто деп бааланууда. Кырсык боюнча милиция тергөө иштерин жүргүзүүдө. (BTo)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

дагы пикирлерди жүктөө