Линктер

ЧУКУЛ КАБАР!
13-Апрель, 2021 шейшемби, Бишкек убактысы 15:42

Бабановго эскертүү бердирткен активист арызынан баш тартты


Өмүрбек Бабанов шайлоочулар алдында. 2017-жыл.

Кыргызстан социал-демократиялык партиясынын (КСДП) саясий кеңешинин мүчөсү Алга Кылычов «Республика» партиясынын мурдагы лидери Өмүрбек Бабановго каршы жазган арызын жокко чыгарууну өтүндү. Мындай өтүнүч менен өлкө президентине, Башкы прокуратурага жана Улуттук коопсуздук боюнча мамлекеттик комитетке (УКМК) кайрылганын ал 11-апрелде «Азаттыкка» билдирди:

- Соттор тарабынан анын күнөөсүн далилдеген билдирүү болгон жок. Андан тышкары эксперттер «улут аралык кастыкты козуткан жок» деп айтышты.

Кылычов 1,5 жыл мурда президенттик шайлоо учурунда Борбордук шайлоо комиссиясына (БШК) кайрылып, «Бабановго улут аралык кастыкты козутпоо тууралуу эскертүү берилсин. Эгер ошондой кадамдарга бара берсе ат салышуудан четтетилсин» деп өтүнгөн. Кылычевдин бул арызынын негизинде Бабановго эскертүү берилген.

2017-жылы президенттик шайлоодогу негизги атаандаштар КСДПдан Сооронбай Жээнбеков жана «Республикадан» Өмүрбек Бабанов болгон. Жээнбеков утуп, утулуп калган Бабановго эки кылмыш иши козголгон.

Анын бири «үгүт учурунда эл алдында сүйлөгөн айрым сөздөрү конституциялык түзүлүшкө каршы келет», экинчиси «бийликти басып алууга даярдык көрүү» деген негизде болгон.

Бабанов өзү шайлоодон кийин өлкөдөн чыгып кеткен. Жакында ал 13-апрелде Кыргызстанга келерин жарыялады.

Кылычев «мага УКМК Бабановдун Он-Адырдагы сөзүнө карата менин БШКга 1,5 жыл мурдагы арызымдын негизинде иш козгой тургандыгы жөнүндө маалымат жетти. Мен кимдир-бирөөлөрдүн саясий куралына айлангым келбейт» деп айтууда.

УКМК Кылычевдин бул билдирүүсүнө азырынча жооп кайтара элек. (RK)

Пикирлерди көрүңүз (47)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG