Линктер

ЧУКУЛ КАБАР!
18-Октябрь, 2021 дүйшөмбү, Бишкек убактысы 23:27

Кулматов менен Ибраимовдун соту уланат


Албек Ибраимов жана Кубанычбек Кулматов.

Баш калаанын мурдагы мэрлери Кубанычбек Кулматовдун, Албек Ибраимовдун жана алар менен кошо айыпталган 12 кишинин иши 2-майда Бишкектин Ленин райондук сотунда каралат. Бул тууралуу Бишкек шаардык соту маалымдады.

Күнөөсүн моюнга алып, ​тергөө менен кызматташа турганын билдирген «Дастан» ишканасынын мурдагы директору Юрий Васильевдин​ ишин өзүнчө бөлүп кароо жөнүндөгү өтүнүчтү​ буга чейин 30-апрелдеги жараянда судья Кубанычбек Касымбеков канааттандырган. Муну Албек Ибраимовдун адвокаты Сергей Слесарев мыйзамсыз деп баалаган.

Албек Ибраимовго «Дастан» ишканасын жетектеп турганда 270 миң доллар өлчөмүндө мыйзамсыз сый акы алган, Ысык-Көлдөгү «Күнөстүү жээк» пансионатын сатууда мамлекетке 152 миллион сомдук зыян келтирген жана Бишкектин түштүгүндөгү беш гектар жерди мыйзамсыз бөлүп берүүгө тиешеси бар» деген айыптар коюлган.

Бишкектин мурдагы мэри Кубанычбек Кулматов «мектеп курууга кеткен эки миллион долларды пайдаланууда жемкорлукка барган» деп күнөөлөнгөн.

Эки экс-мэрдин ишин бөлүп кароо боюнча адвокаттардын өтүнүчтөрү бир нече жолу канааттандырылган эмес. Аны бириктирип кароо тууралуу чечим 6-марттагы жараянда кабыл алынган. (ErN)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG