Линктер

ЧУКУЛ КАБАР!
7-Декабрь, 2021 шейшемби, Бишкек убактысы 18:36

Кадамжайда жүк ташуучу транспортту текшерген кызматкер пара менен кармалды


Иллюстрациялык сүрөт.

Кадамжайда Транспорт жана жолдор министрлигинин жүк ташуучу автоунаалардын салмагын жана габаритин көзөмөлдөөчү бекетинин инспектору миң сом пара менен кармалды. Бул тууралуу Ички иштер министрлигинин (ИИМ) басма сөз кызматы билдирди.

Анда айтылгандай, ИИМдин Криминалдык кызматынын аймактык башкармалыгына Баткен облусунун аталган районундагы бекеттердин биринде мыйзамсыз акча чогултуу жүрүп жатканы тууралуу арыз түшкөн. Кызматкерлер жүк ташуучу автоунаалардын айдоочуларынан жөн гана посттон өтүү үчүн каражат сураганы көрсөтүлгөн.

Натыйжада текшерүү жүргүзүлүп, шектүү кызматкер колго түшкөн. Факт Жазык кодексинин 238-беренесинин («Кызматчынын мыйзамсыз сый акы алуусу») негизинде сотко чейинки өндүрүшкө алынды. Ишти ИИМдин Тергөө кызматы иликтөөдө.

Кыргызстанда жүк ташуучу автоунаалардын салмагын жана габаритин көзөмөлдөөчү 24 бекет бар. Анын экөө Кадамжай районунда жайгашкан. (ErN)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG