Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 21:07

Президент: Аскер кызматкерлерин үй менен камсыз кылуу уланат


Мамлекеттик чек ара кызматынын түзүлгөнүнүн 20 жылдыгына карата жыйын. 28-май, 2019-жыл.

Акыркы бир жарым жыл ичинде Кыргызстандын Куралдуу күчтөрүнүн кызматчылары үчүн 267 батирлүү тогуз турак жай курулду. Анын ичинен Мамлекеттик чек ара кызматынын аскер кызматкерлерине 96 батирлүү төрт үй берилди. Президент Сооронбай Жээнбековдун айтымында, аскер кызматкерлерин турак жай менен камсыз кылуу улантылып жатат жана ал өлкө башчынын көзөмөлүндө.

- Быйыл Куралдуу күчтөрдүн аскер кызматчылары үчүн 379 батирлүү алты үйдүн курулушу жүрүп жатат. Анын ичинде Мамлекеттик чек ара кызматынын аскер кызматчылары үчүн 88 батирлүү төрт үй салынууда. Заманбап инфратүзүмү бар аскер шаарчалары пайдаланууга берилди, жоокерлер үчүн казармалар, жаңы чек ара тозоттору курулууда. Республикалык бюджеттин мүмкүнчүлүгүнө жараша акчалай төлөмдөр көбөйдү. Бүгүн аскер кызматынын кадыр-баркы артты деп ишенимдүү айтса болот. Жаштар армиядан качпастан, мекенди коргоочунун кесиби ардактуу гана эмес, туруктуу жана келечектүү кесип экенине түшүндү, - деди Жээнбеков.

Бүгүн, 28-майда Абдылас Малдыбаев атындагы опера жана балет театрында Куралдуу күчтөрүнүн түзүлгөнүнүн 27 жылдыгына жана Мамлекеттик чек ара кызматынын түзүлгөнүнүн 20 жылдыгына карата жыйын өтүп жатат. (BTo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG