Линктер

ЧУКУЛ КАБАР!
27-Октябрь, 2021 шаршемби, Бишкек убактысы 00:29

Алматы: акын Зайитов бошотулгандан кийин чогулгандар тарады


Полиция каршылык акциясына чыккандарды кармап баратат. 10-июнь, 2019-жыл.

10-июнда саат 23:00 чамасында төкмө акын Ринат Зайитов Алматы шаардык полиция департаментинин алдына чогулгандар менен жолугуп, аларды таркап кетүүгө чакырды.

- Тарагыла, мен үйдөн келдим. Баарыңар үчүн жанымды берүүгө даярмын. Муунум бошоп, көзүмө жаш келип турат. Сиздер менен биргемин. Кармалгандардын баары чыкты. Бардыгы жакшы. Эч ким эч жерде калган жок, - деген акындын сөздөрүнөн кийин топтолгондор акырындан тарай башташты.

Департамент алдына чогулгандардын айрымдары: «Казакстан бир кадам алдыга жылды. Биз жеңдик!», - деп кыйкырып жатышты.

10-июнда Алматы шаарында кечки саат алтылар чамасында «Алатау» театрынын маңдайында бир топ адам шайлоонун жыйынтыгына каршы нааразылык билдирип чыккан. Ал маалда полиция 50-60 чакты адамды кармап кеткен. Алардын арасында төкмө акын Ринат Зайитов да болгон. Акындын бошотулушун талап кылып, жүздөгөн адамдар полиция департаментинин алдына чогулушкан.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG