Нью-Йорктун соту "Кодоо" же "Эль Чапо" деген каймана ат менен белгилүү маңзат барону Хоакин Гусманды өмүр бою абакка кести. Ал 2016-жылы Мексикада кармалып, бир жылдан кийин АКШга экстрадиция болгон. Кошмо Штаттарда ага кокаин ташуу, курал-жаракты мыйзамсыз алып жүрүү жана адам өлтүрүүнү уюштуруу боюнча айыптар тагылган.
Гусман башкарган "Синалоа" картели Кошмо Штаттарга саткан маңзаттардан жылына 320 миллион доллар киреше тапканы аныкталган. 2012-жылы Усама бен Ладен жок кылынгандан кийин АКШ бийлиги Гусманды "№1 кылмышкер" деп атай баштаган. Наркобарон мекени Мексикада эки ирет камалып, эки жолу тең абактан качып кеткен.
