Аламүдүн районунун ички иштер бөлүмүнө болжол менен саат 19:50 чамаларында Кой-Таш айылында атышуу болуп жатканы жөнүндө билдирүү келип түшкөн. Окуя болгон жерге тез арада ыкчам тергөө тобу барган. Андан сырткары, коомдук тартипти сактоону камсыз кылыш үчүн Чүй ОИИБдин жана Аламүдүн РИИБдин жалпы өздүк курамы тартылды.
Биринчи жабырлануучулар жөнүндө маалымат аймактык ооруканадан болжол менен саат 20:53 чамасында келип түшкөн. Азыркы учурда коомдук тартипти сактоону камсыз кылыш үчүн кошумча күчтөр тартылды.
Бул тууралуу ИИМдин басма сөз кызматы маалымдады.
