Линктер

ЧУКУЛ КАБАР!
26-Октябрь, 2021 шейшемби, Бишкек убактысы 09:14

Эсеп палатасынын пара талап кылган инспектору кармалды


Иллюстрациялык сүрөт.

Улуттук коопсуздук боюнча мамлекеттик комитеттин (УКМК) Коррупцияга каршы күрөш кызматы Эсеп палатасынын инспектору Э.К. Ленин райондук №1 Үй-бүлөлүк медицина борборунун кызматкерлеринен пара алганын аныктады.

Атайын кызмат тараткан маалыматка караганда, 2019-жылдын апрель айында Эсеп палатасынын инспектору №1 Үй-бүлөлүк медицина борборунун кызматкерлеринен 200 000 сом пара талап кылган. Апрель айында аталган мекеменин кызматкери Ш.М. инспекторго 60 000 сом берген. Калган каражатты кийин кызматкерлерден чогултуп бермек.

Сотко чейинки өндүрүштүн материалдары «Пара талап кылуу» боюнча Кылмыштар менен жоруктардын бирдиктүү реестрине катталды.

26-июлда кармалган Э.К. күнөөсүн мойнуна алгандыгы тууралуу арыз берип, ошол эле күнү ага карата Бишкектин Биринчи май райондук соту үй камагына чыгаруу боюнча бөгөт чарасын аныктаган. Ал эми үй-бүлөлүк медицина борборунун пара бергени кабарланган кызматкери эч жакка кетпөөгө милдеттендирилди. Азыркы убакта тергөө жүрүп жатат. (BTo)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG