Линктер

жума, 20-сентябрь, 2019 Бишкек убактысы 03:03

Дарыгерлер Сапар Исаковду кошумча текшерүүдөн өткөрүштү


Сапар Исаков.

Мурдагы премьер-министр Сапар Исаковдун ден соолугун дарыгерлер кошумча текшерүүдөн өткөрүштү. Адвокаты Нурбек Токтакунов анын жыйынтыгы 27-августта чыгарыларын «Азаттыкка» билдирди:

- Абалы жакшы эмес. Өңү бопбоз болуп кеткен. Кирип, сүйлөшүп жатам. Мындан аркы дарыланышы дарыгерлердин текшерүүсүнүн жыйынтыгына жараша болот.

Бишкек Жылуулук электр борборун (ЖЭБ) оңдоп-түзөөдөгү коррупция боюнча козголгон кылмыш ишине тиешеси бар киши катары Сапар Исаков 2018-жылы Улуттук коопсуздук боюнча мамлекеттик комитеттин (УКМК) тергөө абагына камалган. Саламаттыгы начарлап, 16-августтан бери Улуттук госпиталга которулган. Ага «кыр арка артериясынын синдрому» деген диагноз коюлган.

Эксперттердин тыянагы боюнча ЖЭБди модернизациялоо долбоорун даярдоодогу, кол коюудагы жана ишке ашыруудагы коррупция фактысынан мамлекет 5 млрд. 439 млн. сом көлөмүндөгү зыян тарткан. Иш Бишкектин Свердлов райондук сотунда каралып жатат.

Кармалгандардын арасында Сапар Исаковдон тышкары мурдагы премьер-министр Жантөрө Сатыбалдиев баштаган жоон топ аткаминерлер бар. Аларга «Коррупция» жана «Кызмат абалынан кыянаттык менен пайдалануу» деген беренелер менен айып коюлган. (SE)

Пикирлерди көрүңүз (14)

XS
SM
MD
LG