Линктер

ЧУКУЛ КАБАР!
23-Октябрь, 2021 ишемби, Бишкек убактысы 07:06

Аскердик комиссар пара алууга шектүү катары кармалды


Аскердик комиссардын жанынан алынган каражат.

Баткен облусунун Кадамжай районунун аскердик комиссары (М.З.) пара алууга шектүү катары кармалды. Бул тууралуу Экономикалык кылмыштарга каршы күрөш боюнча мамлекеттик кызмат (Финансы полициясы) билдирди.

Мекеме кабарлагандай, Ысык-Көлдүн Тоң районунун жашоочусу аталган райондун аскердик комиссары андан миң доллар пара алып, аскердик билет алып бергенин, документ жасалма чыгып калганын даттанып кайрылган. Арыздануучу кызматкер акчасын кайтарып бербей жатканын да билдирген.

Бул факт Кылмыштар менен жоруктардын бирдиктүү реестрине Жазык кодексинин 325-беренесинин 1-бөлүгү менен («Пара алуу») катталып, сотко чейинки өндүрүш башталган. Иликтөө учурунда аскердик комиссар Тоңдо иштегени такталып, кийин Кадамжай районуна которулуп кеткени аныкталды.

Атайын операция учурунда аскердик комиссар мурда алган парасынын бир бөлүгүн (20 миң сом) кайтарып берип жаткан учурда Кадамжайда кармалды. Кармоо учурунда ал күнөөсүн мойнуна алды жана анын иш бөлмөсүнөн ири өлчөмдөгү акча каражаттары алынды. Кармалган жаран гарнизондук гауптвахтага киргизилди. (ErN)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG