Линктер

ишемби, 21-сентябрь, 2019 Бишкек убактысы 05:13

Өзбекстан атом энергиясын жайчылык максатта пайдаланат


Иллюстративдик сүрөт.

Өзбекстанда «Атом энергиясын жайчылык максатта пайдалануу жөнүндө» мыйзам кабыл алынды.

Мындан эки жыл мурда Ташкент менен Орусиянын «Росатом» мамлекеттик ишканасы кызматташтык тууралуу келишимге кол коюшкан.

2018-жылы Өзбекстандын президенти Шавкат Мирзиёевдин жарлыгы менен атомдук энергетиканы өнүктүрүү боюнча «Узатом» агенттиги түзүлгөн. Ушул жылдын аягында Өзбекстанда атомдук станция куруу тууралуу Шавкат Мирзиёев Орусия менен макулдашкан.

Эки тараптуу алдын-ала макулдашууга ылайык, «3+» муунундагы, кубаттуулугу 1,2 гигаватт эки энергоблокту 2028-жылга чейин куруу пландаштырылып жатат.

Буга чейин мындай станциялар Жизак жана Навои облустарында курулушу мүмкүн экени айтылган.

Өзбекстан урандын запасы боюнча дүйнөдө жетинчи орунда турат.

Пикирлерди көрүңүз (3)

XS
SM
MD
LG