Линктер

ЧУКУЛ КАБАР!
14-Май, 2021 жума, Бишкек убактысы 04:19

КСДПнын өкүлдөрү аскердик прокуратуранын алдына чогулушту


Аскердик прокуратуранын алдына чогулган КСДПнын мүчөлөрү.

Кыргызстан социал-демократиялык партиясынын (КСДП) депутат Асел Кодуранова төрайымдык кылган бөлүгүнүн бир нече мүчөсү аскердик прокуратуранын алдына чогулуп, алардын кеңсеси «Медиа Форум» ишканасын камактан чыгарууну талап кылышууда.

Бул тууралуу партиянын саясий кеңешинин мүчөсү Адил Турдукулов билдирди.

Анын айтымында, мүлктү камакка коюшкандан кийин, 12-сентябрда да аскердик прокуратуранын кызматкерлери кеңседен компьютерлерди, документтерди алып чыгып кетишкен. Партия мүчөлөрү бул аракеттер соттун санкциясыз жүрүп жатканын айтышып, түшүндүрмө талап кылышты.

Мурдагы президент Алмазбек Атамбаев кармалгандан кийин, 9-август күнү кечинде Ички иштер министрлиги соттун чечими менен «Медиа Форум» ишканасынын жана «Апрель» телеканалынын мүлкүн камакка койгон. «Медиа Форум» ишканасында Атамбаевге ыктаган КСДПнын кеңсеси жайгашчу.

КСДПнын башка бөлүгүндө Сагынбек Абдрахманов төрагалык кылууда. (ErN)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG