Өзгөчө кырдаалдар министрлиги 2-октябрда машыгуу өткөрүп, сиреналарды жапырт иштетет. Бир эле учурда шаардын ар кайсы аймактарында 40 сиренанын үнү жаңырат. Министрликтин басма сөз кызматы тургундарды андан чоочуп, дүрбөлөңгө түшпөөгө чакырды.
Саат 10:00-11:00 аралыгына белгиленген машыгуу Жарандык коргонуу комиссиясынын чукул кырдаалдарга даярдыгын сыноодон өткөрөт. Иш-чара «Кырсык коркунучун азайтуу» айлыгынын алкагында уюштурулууда.
Министрликтин маалыматына ылайык, Бишкекте элди кооптуу кырдаалдардан кабардар кылуу максатында 126 жерге сирена орнотулган. (SE)