Араб өлкөлөрүндө мыкты төөлөрдүн баасы асман чапчып, айрым учурда учактын да баасынан ашып түшөт. Асыл тукум, алыс аралыкка чуркап рекорд койгон төөлөр 4 миллиондон 7 миллион долларга чейин сатылат.
Баасы учакка тең төөлөр
Чөлдөгү ыйык жаныбар катары бааланган төө - Бириккен Араб Эмираттарынын символу. Төөлөрдүн жарышын, фестивалдарды, төөлөрдүн сулуулук сынагын, төө базарларын, жада калса төөлөр үчүн курулган ооруканаларды да бир гана Бириккен Араб Эмираттарынан көрүүгө болот.
