Линктер

ЧУКУЛ КАБАР!
17-Май, 2021 дүйшөмбү, Бишкек убактысы 16:24

Лукашенко: Беларусь ЕБ менен кызматташтыкты жакшыртууга үмүттөнөт


Александр Лукашенко. Вена. 12-ноябрь, 2019-жыл.

Беларус Европа Биримдиги менен кызматташтыкты жакшыртууга үмүттөнөт. Бул тууралуу өлкө президенти Александр Лукашенко Вена шаарында Австриянын президенти Александр Ван дер Беллен менен жолугушуудан кийинки басма сөз жыйынында билдирди.

Беларустун президенти адам укуктары корголушу керек экенин айтты.

Лукашенко Европа Биримдигинин аймагына соңку үч жылдан бери алгачкы жолу барды. 2016-жылы ал Италияда иш сапарында болгон. Ал өз өлкөсүн чейрек кылымдан бери башкарып келе жатат.

Батыш жана АКШ Беларуста авторитардык режим орногонун, жетекчиликти сындагандар куугунтукка кабыларын, адам укуктары сакталбай, шайлоолор таза өтпөй турганын айтып келишет.

Бирок кийинки жылдары Европа менен Беларусь Орусиянын таасирин басаңдатыш үчүн мамилесин жакшырта баштаганы айтылууда. Орусия - Беларустун эң негизги соода өнөктөшү.

Венадагы басма сөз жыйынында Лукашенко Австрияны «маанилүү саясий жана ишкер өнөктөш» деп атады.

Ал эми адам укуктары тууралуу суроого ал «Беларусь - тынч жана коопсуз шартта эс алса боло турган өлкө» деп жооп берди. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG