Линктер

ЧУКУЛ КАБАР!
жума, 13-декабрь, 2019 Бишкек убактысы 20:00

Орусия кайрадан олимпиадага катышпай калуу коркунучуна кабылды


Түштүк Кореяда 2018-жылкы кышкы Олимп оюндарына катышкан орусиялык спортчулар. 9-февраль, Пхёнчхаң.

Допингге каршы дүйнөлүк агенттиктин (WADA) негизги комитети Орусиянын кызытмага каршы агенттиги (РУСАДА) талапка ылайык иштебей жатканын айтып, макамын алууну сунуш кылды.

WADA 22-ноябрда тараткан кабарга ылайык, сунуш 9-декабрда Парижде өтчү жыйында каралат. Эгер ал канааттандырылса, Орусия 2020-жылы Токиодо өтө турган Жайкы Олимпиада оюндарына катышуу мүмкүнчүлүгүнөн ажырайт. Андан тышкары башка санкцияларга туш болушу мүмкүн. Орусия Спорт боюнча арбитраждык сотко кайрылууга акылуу. Эл аралык олимпиада комитети ошого жараша чечим кабыл алат.

Эл аралык олимпиада комитетинин президенти Томас Бах бир апта мурда сүйлөгөн сөзүндө олуттуу эреже бузууларды эсепке албаганда, такай тыюу салууларды колдобой турганын айткан.

Кызытма жаңжалына байланыштуу Орусиянын агенттиги 2015-жылы ыйгарым укуктарынан ажыраган. Мындан улам 2018-жылы Түштүк Кореядагы Кышкы Олимпиада оюндарына мамлекет катары катыша албай калган. 168 орусиялык спортчу мелдештерге бейтарап туунун алдында чыгышкан.

Расмий Москва спортто тыюу салынган заттарды колдонууга каршы жүргүзгөн күрөшү аксап келгенин мойнуна алган. Бирок кызытманы колдонууга жогорку жетекчиликке чейин аралашкан деген дооматтарды толугу менен четке каккан.

Орусиянын кызытмага каршы агенттиги WADA менен кызматташууга, маалыматтарды тапшырууга даярдыгын билдиргенден кийин гана 2018-жылы Дүйнөлүк агенттиктин аткаруучу комитетинин колдоосу менен орусиялык агенттиктин укугу калыбына келтирилген.

Пикирлерди көрүңүз (6)

XS
SM
MD
LG