Линктер

ЧУКУЛ КАБАР!
7-Май, 2021 жума, Бишкек убактысы 21:53

Люксембург Палестинаны мамлекет катары таанууну сунуш кылды


Палестиналык балдар деңиз жээгинде.

Люксембургдун тышкы иштер министри Жан Асселборн Европа Биримдигине Палестинаны мамлекет катары таанууну сунуш кылды.

«Der Tagessoiegel» гезитинин маалыматына караганда, ал Евробиримдиктин курамындагы өлкөлөр муну талкуулашы керек экенин билдирип, бул кадам АКШнын президенти Дональд Трамптын саясатына каршы болорун белгиледи.

Министр Палестинаны ар бир өлкө өз алдынча мамлекет катары таанышы кыйын жараян экенин, айрыкча Германия, Франция, Белгия, Нидерланд, Испания жана Люксембург үчүн бул татаал маселе болорун кошумчалады. Бирок ал Европа Биримдигинин сунушу катары ишке ашырууга мүмкүн экенин айтты.

Мурдараак Израил Иордан дарыясынын Батыш жээгиндеги еврейлер жашаган жерлерди аннексиялап аларын маалымдаган.

АКШнын мамлекеттик катчысы Майк Помпео 18-ноябрда Вашингтон Израилдин бул кадамы эл аралык укукка каршы келбей турганын билдирген. Мындай позиция БУУнун резолюцияларына, эл аралык коомчулуктун көз карашына жана укуктарга дал келбейт.

Израил 1967-жылдагы алты күндүк урушта Палестинага караштуу айрым аймактарды басып алган. Батыш жээкте Израилдин аскердик оккупациясы дагы деле уланууда.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG