Президент Владимир Путин жаңы жылдык куттуктоосунда орусиялыктарды биримдикке чакырды. Анын салттуу видео куттуктоосу Орусиянын Ыраакы Чыгыш аймагында жыл жанырганда жарыяланды.
"Биз оош-кыйыштуу, динамикалуу жана карама-каршылыктуу мезгилде жашап жатабыз. Биздин биримдигибиз эң жогорку максаттарды ишке ашырууга жол ачат", - деди Путин.
2019-жыл Орусиянын Москва баштаган бир катар шаарларында бийликке каршы нааралызык акциялары менен коштолду. Ошондой эле быйыл Путиндин эл арасындагы кадыр-баркы соңку он жыл ичиндеги эң төмөнкү чекке түшүп кеткенин коомдук сурамжылоолор көрсөттү.
