Линктер

ЧУКУЛ КАБАР!
8-Май, 2021 ишемби, Бишкек убактысы 16:35

Партиялардын парламентке өтүү чегин 9 пайызга көтөргөн мыйзам күчүнө кирди


Жогорку Кеңеш.

Бул боюнча 2017-жылы кабыл алынган мыйзам долбоору ушул жылдын 1-январында күчүнө кирди. Депутаттар Жогорку Кеңешке партиялардын өтүү чегин жетиден тогуз пайызга көтөргөн мыйзамды үч жыл мурда кабыл алып, ага ошол кездеги президент Алмазбек Атамбаев кол койгон. Мыйзам 2020-жылдын 1-январынан тарта иштей баштайт деп белгиленген.

Жарандык коомдун өкүлдөрү жана саясий күчтөр шайлоо мыйзамын өзгөртүп, босогону тогуз пайыздан беш же жети пайызга чейин төмөндөтүүнү сунуш кылышууда.

Бул боюнча «Ата Мекен», «Ак шумкар», «Ар-намыс», «Бүтүн Кыргызстан», «Улуттар биримдиги» сыяктуу партиялар жана бир нече коомдук уюмдар биригип жатат. Алар президентке кайрылып, коомдогу ар кыл күчтөрдүн талабына кулак салууга чакырышты.

Жогорку Кеңештин депутаттар тобу босого пайызды тогуздан бешке түшүрүү боюнча мыйзам долбоорун иштеп чыгып, 2019-жылдын 29-октябрынан бери коомдук талкууда турат.

Президент Сооронбай Жээнбеков партиялардын парламентке өтүү чеги тууралуу так позициясын айта элек. Ал былтыр жыл жыйынтыгын чыгарган басма сөз жыйынында босого пайызды түшүрүү боюнча сунуштардан кабардар экенин, маселе Жогорку Кеңеште каралып жатканын айткан. (BTo)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG