Линктер

ЧУКУЛ КАБАР!
дүйшөмбү, 17-февраль, 2020 Бишкек убактысы 17:03

Журналисттерге акарат айткан губернатор кызматтан алынды


Михаил Игнатьев.

Орусиянын президенти Владимир Путин 29-январда Чуваш Республикасынын башчысы Михаил Игнатьевди «ишенимди жоготту» деген негизде кызматтан алды. Ордуна дароо эле Мамдуманын депутаты Олег Николаев милдетин аткаруучу катары дайындалды.

Андан бир күн мурда Игнатьев башкаруучу «Бирдиктүү Орусия» партиясынан да чыгарылган.

Чувашияны 2010-жылдан бери жетектеп келаткан Игнатьев акыркы күндөрү катуу сынга кабылган. Буга аткаминердин 18-январда Басма сөз күнүндө айрым журналисттерди жана блогерлерди согуп-жанчыш керек деген мазмундагы («мочить») сөзү негиз болгон.

Андан соң губернатор өрт өчүрүүчүлөргө кызматтык машине тапшырып жаткан учурда ачкычты атайын бийиктете көтөрүп, өрт өчүрүүчү кызматкерди секирип алууга мажбур кылган. Бул шылдың катары бааланып, өзгөчө кырдаалдар министри баш болуп сынга алышкан.

Пикирлерди көрүңүз (1)

XS
SM
MD
LG