Линктер

ЧУКУЛ КАБАР!
19-Июль, 2024-жыл, жума, Бишкек убактысы 03:08

«Азаттыктын» украин кызматынын кабарчысынын машинеси өрттөлдү


Журналист Галина Терещуктун машинеси.
Журналист Галина Терещуктун машинеси.

Украинанын батышындагы Львов шаарында «Эркин Европа/Азаттык» радиосунун украин кызматынын кабарчысынын автоунаасына белгисиз бирөөлөр өрт коюп кетишти. Журналист Галина Терещуктун машинеси 30-январга караган түнү өрттөлгөнүн Украинанын Ички иштер министрлиги ырастады.

«Биз бул кылмышка кимдир-бирөөлөр буйрук берип, аны ишке ашырыш үчүн адамдарды жалдаган деп ойлойбуз», - деди ички иштер министринин орун басары Антон Геращенко.

Журналист Галина Терещук «Азаттыктын» украин кызматында 2000-жылдан бери иштеп келатат. Ал бул окуяны өзүнүн кесиптик ишмердиги менен байланыштырып жатат.

Полициянын Львовдогу башкармалыгы «журналисттин мүлкүнө атайылап зыян келтирүү» аракети боюнча иликтөө башталганын маалымдады.

XS
SM
MD
LG