Линктер

ЧУКУЛ КАБАР!
13-Июль, 2024-жыл, ишемби, Бишкек убактысы 12:13

Орусияда Путинге болгон ишеним эки жылда эки эсе азайды


Президент Владимир Путин. 23-январь, 2020-жыл.
Президент Владимир Путин. 23-январь, 2020-жыл.

Орусиялыктардын 35% президент Путинге ишенет. «Левада борборунун» январдагы сурамжылоосу бул көрсөткүч беш ай мурункуга салыштырмалуу 4% азайганын жарыялады. 2017-жылдын ноябрында сурамжылоо Путинге болгон ишеним 59% экенин көрсөтсө, эки жылда ал эки эсе азайган.

Социологдордун сурамжылоосуна караганда, 2019-жылдын сентябрында коргоо министри Сергей Шойгунун жана тышкы иштер министри Сергей Лавровдун рейтингдери жогорулаган.

«Левада борборунун» иликтөөсүндө жаңы премьер-министр Михаил Мишустинге сурамжылоого катышкандардын 3% гана ишеним артарын билдирген.

Сурамжылоого тартылгандардын 39% эч бир саясатчыга ишенбейт же суроого так жооп берүүдө кыйналган.

Былтыр май айында Коомдук пикирди билүү борбору Путин бийликке келгенден бери ага болгон ишеним эң төмөнкү чекке – 31,7% жеткенин билдирген.

XS
SM
MD
LG