Баткенде көмүр шахталарынын биринде өрт чыкты. Өзгөчө кырдаалдар министрлигинин маалыматына караганда, окуя Сүлүктүдөгү «Узун-Сай» ишканасынын аймагында болгон.
Жерине жети куткаруучу тартылган. Алар өрттү өчүрүп, газ чыккан жерге тосмо орнотуп беришкен.
Мамлекеттик экотехинспекциянын маалыматына караганда, 2018-жылы Кыргызстанда тоо-кен тармагындагы ишканаларда 20 кырсык катталып, жети жумушчу каза тапкан, 13ү оор жараат алган. 2019-жылдын октябрына чейин алты кырсык катталып, үч жумушчу каза тапкан жана үчөө оор жараат алган. Ошол эле жылдын 10-декабрында Сүлүктү шаарындагы шахтада газга ууланып төрт киши каза болгон. (RK)
