Линктер

ЧУКУЛ КАБАР!
ишемби, 28-март, 2020 Бишкек убактысы 15:15

Комиссия КТРК #REакция митингин чагылдырууда эреже бузган деп тапты


Жарандык активист Умай Арыкованын Коомдук телерадиокорпорацияга (КТРК) каршы арызына байланыштуу Жалпыга маалымдоо каражаттарынын үстүнөн түшкөн даттанууларды караган комиссия чечим чыгарып, канал кесиптик этика нормаларын бузган деп тапты.

Арыкова 25-ноябрда Бишкектеги Ала-Тоо аянтында өткөн «#REакция» аттуу жарандык акцияны КТРК бир тараптуу чагылдырып, ага катышкандарды каралоо мүнөзүндө көрсөтүү даярдаганына нааразы болуп комиссияга кайрылган.

Комиссия арызды үч ай карап, Арыкованын, КТРКнын юристи Максат Төлөновдун катышуусунда жыйындарды өткөрдү. Төлөнов арыздануучунун дооматтарына кошулбай турганын, маселе корпорация жетекчилиги менен да талкууланарын айткан.

Комиссиянын "Фейсбуктагы" баракчасына 6-мартта жарыялаган чечимине ылайык, КТРК "Ала-Тоо" маалыматтык көрсөтүүсүндөгү сюжетте Кыргызстандын Этикалык кодексинин 8-беренеси жана 10-беренеси бузулган.

Чечимде КТРКнын байкоочу кеңеши маселени карап, тийиштүү чара көрүү сунуш кылынды. Муну "Азаттыкка" комиссия мүчөлөрү тастыкташты. Каналдын юристи чечим менен тааныша электигин тийиштүү жоопту башкы директор айтарын билдирди. "Азаттык" КТРКнын жетекчилиги менен азырынча байланыша алган жок.

25-ноябрда Бишкектеги Ала-Тоо аянтында коррупцияга каршы «#REакция» жарандык акциясы өткөн. Ага саясий күчтөр, партиялар аралашкан эмес. Умай Арыкова ушул митингди чагылдырууда журналисттик этика сакталган эмес арызданган.

Журналисттерден жана жарандык коом өкүлдөрүнөн куралган, 13 кишиден турган комиссия маалымат каражаттарына болгон нааразылыкты сотко жеткирбей жөнгө салууну көздөйт. Комиссия 2007-жылдан бери иштейт. Андан бери үч жолу курамы жаңыланган.

Коомдук башталыштагы бул комиссиянын чечими сунуш болуп эсептелет.

Кыргызстандын журналисттеринин этикалык кодекси 23 беренеден турат. Комиссия ошол кодекстин негизинде иштейт.

Кодекс беренелери менен төмөнкү видеодо танышсаңыз болот:

Пикирлерди көрүңүз (4)

XS
SM
MD
LG