Линктер

ЧУКУЛ КАБАР!
ишемби, 28-март, 2020 Бишкек убактысы 15:35

Абылгазиев шайлоону мыкты уюшкандыкта өткөрүүнү талап кылды


Премьер-министр Мухаммедкалый Абылгазиев шайлоого даярдыкты талкуулады. 10-март, 2020-жыл.

Премьер-министр Мухаммедкалый Абылгазиев алдыдагы жергиликтүү кеңештерге шайлоону жогорку деңгээлдеги уюшкандыкта өткөрүүнү талап кылды.

11-мартта өкмөт башчысы бул шайлоо өнөктүгүнө даярдык талкууланган жыйын өткөрдү.

Премьер шайлоонун ачык-айкын өтүшүн камсыз кылуу зарыл экенин белгилеп, мамлекеттик органдарга аймактык шайлоо комиссияларын транспорт, материалдык-техникалык жана байланыш каражаттары, үзгүлтүксүз электр энергиясы менен камсыз кылууну, коомдук коопсуздукту жана тартипти жөнгө салууну тапшырды. Мындан ары жарандарды жапырт каттоого жол бербөөнү да талап кылды.

Быйыл 12-апрелде жергиликтүү кеңештердин депутаттарынын ыйгарым укуктарынын мөөнөтү аяктаганына байланыштуу Чүй, Ысык-Көл, Ош, Баткен, Нарын жана Жалал-Абад облустарындагы 25 айылдык кеңештин, ошондой эле беш шаардык кеңештин (Ош, Майлуу-Суу, Балыкчы, Каракол жана Токмок) депутаттарын шайлоо болот.

Шайлоо жана референдум өткөрүү боюнча борбордук комиссиянын (БШК) маалыматы боюнча, мандаттардын жалпы саны 544, анын 169у – шаардык кеңештерге, 375и – айылдык кеңештерге туура келет. Соңку маалымат боюнча, шайлоочулардын саны 342 545 адам. (RK)

Пикирлерди көрүңүз (3)

XS
SM
MD
LG