Линктер

ЧУКУЛ КАБАР!
жекшемби, 5-апрель, 2020 Бишкек убактысы 03:27

Саламаттык сактоо министри умрага барып келгендерге кайрылды (видео)


Иллюстрациялык сүрөт.

20-марттагы басма сөз жыйынында саламаттык сактоо министри Космосбек Чолпонбаев умрага барып келгендерди үйдөн чыкпоого, эч ким менен байланышпоого чакырды. Чолпонбаев алардын дарыгерлер көзөмөлдөп тураарын белгиледи.

«Умрага барып келгендер азыр үйдөн чыкпай отуруңуздар, эч кандай той, түлөөгө барбаңыздар. Ар кандай клиникалык белгилер болсо дарыгерлерге кайрылыңыздар. Эң негизгиси - үйдөн чыкпай отурууну суранам. Азыр дарыгерлер тизме боюнча үймө-үй кыдырып, абалыңарды карап, дагы бир жолу анализ алат. Текшерип бүткөндөн кийин сиздерге кеңеш берет», - деди министр.

Кыргызстанда коронавирустун жаңы үч учуру катталды. Ооруга чалдыккандар Ноокат районунан табылып, алар да Сауд Арабиясына умрага барып келгени белгилүү болду.

Кыргызстанда коронавируска үч киши чалдыкканы тууралуу алгачкы маалымат 18-мартта кабарланган. Ага ылайык, үчөө тең Сауд Арабиясына кичи ажылыкка барып, 12-мартта Шаржа-Бишкек каттамы менен кайтып келишкен. (TSh)

Пикирлерди көрүңүз (5)

XS
SM
MD
LG