Линктер

ЧУКУЛ КАБАР!
13-Май, 2021 бейшемби, Бишкек убактысы 19:37

Президент Нооруз менен куттуктап, калкты тартипке чакырды


Сооронбай Жээнбеков

Президент Сооронбай Жээнбеков Кыргызстандын калкын Нооруз майрамы менен куттуктады. Өлкө башчыcы куттуктоосунда быйылкы Нооруз дүйнө коомчулугу менен бирге, Кыргызстан үчүн да чоң сыноо менен коштолуп жатканын белгилеген.

"Мындай кырдаалда баарыбыздан санитардык эрежелерди катуу кармоо, карантиндин талаптарын кынтыксыз аткаруу, ар кандай чогулуштарды токтотуу, жолугушууларды мүмкүн болушунча кыскартуу талап кылынат. Балдарыбыздын, замандаштарыбыздын жана өзүбүздүн ден соолугубузга баарыбыз жоопкер экенибизди унутпайлы",-деп айтылат президенттин куттуктоосунда.

Ошондой эле Жээнбеков дүйнөлүк экономикадагы кыйынчылыктардын кесепети Кыргызстанга жеткенин билдирген. Мындан улам бюджеттин чыгымдарын кыскартуу, үнөмдөө режимин кармоо зарылдыгы жаралганын билдирген президент кыргызстандыктарды түшүнүү менен мамиле кылууга чакырган.

Быйыл коронавирус илдетинен улам өкмөттүн токтому менен Ноорузга карата Бишкекте жана аймактарда эл көп катышчу иш-чаралар өткөрүлбөйт.

Нооруз - чыгыш элдеринде жаз майрамы, жаңы жылдын башаты катары белгиленет. Быйылкы коронавирус пандемиясына байланыштуу көпчүлүк өлкөлөрдө массалык иш-чаралар өтпөйт. (BKA)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG