Линктер

ЧУКУЛ КАБАР!
3-декабрь, 2020 бейшемби, Бишкек убактысы 22:39

Сот имараттарына кирүүгө чектөө коюлду


Иллюстрациялык сүрөт.

Кыргызстандын сот органдары өзгөчө абал шартында кадимки тартипте иштей берет. Бул тууралуу Жогорку сот кабарлады. Мекеменин маалыматына караганда, мындай чечим соттордун ишинин өзгөчөлүгүнө, каралып жаткан ар бир иштин мөөнөтү белгиленгенине байланыштуу кабыл алынды.

Ошол эле учурда коронавирустан сактануу жана аны жайылтпоо чаралары күчөтүлүп жатат. Бул максатта сот залдарына жараяндын катышуучулары гана киргизилет. Жарандарды кабыл алуу, жолугушуулар жана башка иш-чаралардын баары токтотулат. Соттолуучулардын жакындарын, журналисттерди жана башка угуучуларды киргизүүгө чектөө коюлат.

Журналисттерге керектүү маалымат соттордун басма сөз кызматтары аркылуу берилип турары айтылды.

Кыргызстанда коронавирустун айынан айрым аймактарда 25-марттан тартып өзгөчө абал киргизилип жатат. Президент Сооронбай Жээнбеков Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, ошондой эле Жалал-Абад облусунун Сузак районунун аймактарына өзгөчө абал киргизүү жөнүндө жарлыктарга 24-мартта кол койду. Ушул эле күнү Жогорку Кеңеш кезексиз жыйынга чогулуп, бул жарлыктарды толук колдоп берди.

Ал арада соңку бир суткада Кыргызстанда коронавирус табылган адамдардын саны дагы 26га көбөйүп, 42 кишини түздү. Бейтаптардын эң кичүүсү бир жашка толо элек ымыркай, эң улуусу 86да. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG