Линктер

ЧУКУЛ КАБАР!
21-Апрель, 2021 шаршемби, Бишкек убактысы 21:31

ТИМ: Иранда калган айдоочулардын акыркы тобу Казакстанга кирди


Иранда калган кыргызстандык айдоочулар.

Коронавируска байланыштуу чек аралар жабылгандыктан Ирандан Кыргызстанга кайта албай жаткан оор жүк ташуучу машинелердин акыркы тобу Орусиядан Казакстандын аймагына кирди. Бул тууралуу 26-мартта Кыргызстандын Тышкы иштер министрлиги кабарлады. Мекеменин маалыматына караганда, 25-мартта орус-казак чек арасындагы «Котяевка-Курмангазы» бекетинен акыркы 12 машине өттү.

Ошентип, 20-марттан бери Казакстан берген транзиттик коридор аркылуу үч топ менен 57 машине өттү.

Министрлик кыргыз жарандарынын кайтып келишине көмөк көрсөткөнү үчүн Ирандын, Азербайжандын, Орусиянын жана Казакстандын дипломатиялык мекемелерине ыраазычылык билдирди.

ТИМ Иранда калган кыргызстандык айдоочулардын жалпы саны 62 адам экенин буга чейин кабарлаган.

Иран-Түркмөнстан чек арасында коронавируска байланыштуу карантинде камалып калган кыргыз айдоочулары жардам сурап президент Сооронбай Жээнбековго кайрылышкан. Түркмөнстан Кыргызстандын транзит тууралуу өтүнүчүн канааттандырбай койгону айтылган. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG