Линктер

ЧУКУЛ КАБАР!
шейшемби, 26-май, 2020 Бишкек убактысы 15:59

Статистика комитети: Ун 1,5 сомго кымбаттады


Иллюстрациялык сүрөт.

Улуттук статистика комитети өз иликтөөлөрүнүн жыйынтыгына таянып кабарлагандай, ун акыркы бир айда орто эсеп менен 1,5 сомго кымбаттады. Маалыматта айтылгандай, 2-мартта жогорку сорттогу ундун бир килограммы 42 сом турган. 8-апрелде баа 43 сом 50 тыйын болду. Эң кымбат ун Токмок шаарында сатылып жатканы байкалган, бул шаарда 1 кг жогорку сорттогу ун 52 сомдон сатылууда. Ошондой эле Ош, Жалал-Абад, Балыкчы, Ноокат шаарларында ун башка жактарга караганда кымбат сатылууда. Статистика комитетинин маалыматына караганда аталган шаарларда ундун жогорку сорту 1 кг 50-52 сом турат.

Эң арзан ун Нарын облусунун Жумгал районунда. Район борбору Чаекте 1 кг жогорку сорттогу ун 36 сом турат. Таластын Манас районунда 38 сом.

Бишкек шаарында жогорку сорттогу ундун 1 кг 40,28 сом турат. Бул 8-апрелдеги көрсөткүч. 2-мартта 39 сом 65 тыйын болчу.

Байкоочулардын баамында чыныгы иш жүзүндө ундун баасы бул көрсөткүчтөрдөн кымбат. Бишкек шаарындагы базарларда «Акун», «Яшар» фирмаларынын жогорку сорттогу уну 1 кг орто эсеп менен 52-55 сомдон сатылып жатат. «Фрунзе», «Глобус» сыяктуу ири соода борборлорунда жана менчик дүкөндөрдө баалар андан да жогору.

Кыргызстан буудайды жана унду негизинен Казакстандан экспорттойт. Пандемиялык кырдаалга байланыштуу Казакстан 26-марттан тартып дан жана дан азыктарын сыртка сатууга тыюу салган. Кыргыз өкмөтүнүн өтүнүчү менен казак тарап айына 30 миң тоннадан ашык эмес ун чыгарып турууга уруксат берген. (ZKo)

Пикирлерди көрүңүз (10)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG