Линктер

ЧУКУЛ КАБАР!
11-Май, 2021 шейшемби, Бишкек убактысы 20:01

«Талибан» Ооганстанда банк кызматкерлерин өлтүрүп кетти


Кабулдагы өкмөт абактан бошотуп жаткан талибдер. 9-апрель, 2020-жыл.

«Талибан» кыймылынын жоочулары Ооганстандын Борбордук банкынын беш кызматкерин өлтүрүп кетишти. Кылмыш өлкөнүн батышындагы Герат провинциясында болгонун жергиликтүү полициянын өкүлү Абдул Ахад Вализада жума күнү билдирди.

Анын айтымында, жоочулар банк кызматкерлерин уурдап кетип, 9-апрелдин кечинде атып салышкан.

Маалыматты Ички иштер министрлиги да ырастап, кылмыш үчүн талибдерди айыптады. Министрлик аталган кыймылдын жоочулары аймактагы мамлекеттик кызматкерлерди, анын ичинде аскерлерди уурдап кеткен учурлар буга чейин да болгонун белгиледи.

8-9-апрелде эле ооган өкмөтү абактагы 200 талибди бошотуп, 19 жылдан бери согушуп келаткан душманы менен өз ара тынчтык сүйлөшүүсүнө дилгирлигин көрсөткөн. Диалог башталгыча абактан дагы 1500 киши бошотуларына убада берилген.

Кабулдагы өкмөттүн абактарындагы 5 миң, талибдердин туткунундагы миң кишини бошотуу - февралдагы АКШ-«Талибан» мунасасындагы шарттардын бири. Ошондон кийин гана оогандар ынтымак сүйлөшүүсүн баштамак. Алгачкы жолугушуулар башталганы менен 7-апрелде талибдердин өкүлү аны «майнапсыз» деп баалап, сүйлөшүү токтогон.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG