Линктер

ЧУКУЛ КАБАР!
3-декабрь, 2020 бейшемби, Бишкек убактысы 22:59

Асрандиев: Газдын кымбатташы долларга байланыштуу


Иллюстрациялык сүрөт.

Бул туурасында вице-премьер-министр Эркин Асрандиев парламент комитетинин жыйынында депутат Жанарбек Акаевдин суроосуна жооп берип жатып билдирди.

Жогорку Кеңештин депутаты Жанарбек Акаев парламенттин эки комитетинин кошмо жыйынында дүйнө жүзүндө жаратылыш газы арзандап жатса, эмнеге аны орусиялык «Газпром» компаниясы Кыргызстанга кымбат сатып жатканына кызыкты. Вице-премьер-министр Эркин Асрандиевдин түшүндүргөнүнө караганда, келишимге ылайык, ар бир айда сатылып алына турган жаратылыш газынын баасы АКШ доллары менен аныкталат.

«Акыркы айларда АКШ доллары кымбаттап кеткенине байланыштуу бааны сомго чакканда жогору баа келип чыгууда. ЕАЭБ уюмунун алкагында мунайга жана газга болгон дүйнөлүк баа түшүп жаткандыктан тарифтерди кайрадан кароо маселеси бар», - деп кошумчалады Асрандиев.

Учурда орусиялык «Газпром» компаниясы Өзбекстандан газды дүңүнөн сатып алып, Кыргызстанга газдын ар бир кубун 250 доллардан сатат. Ошол эле кезде Тажикстан Өзбекстандан эки тараптуу келишимге ылайык газдын бир кубун 120 доллардан сатып алат. Орусиянын «Газпром» компаниясы «Кыргызгазды» шарттуу түрдө бир долларга сатып алып, «Газпром - Кыргызстан» ишканасын түзгөн. (KJ/ZKo)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG