Линктер

ЧУКУЛ КАБАР!
29-Март, 2024-жыл, жума, Бишкек убактысы 11:21

COVID-19: Жумгалга дарыгерлердин кошумча тобу барат


Жумгал району.
Жумгал району.

Нарын облусуна караштуу Жумгал районуна Бишкектен дарыгерлердин кошумча тобу барат. Бул тууралуу 15-апрелде саламаттык сактоо министринин орун басары Нурболот Үсөнбаев билдирди.

Буга чейин коронавирустун алдын алуу жана дарылоо үчүн Ат-Башы районуна Бишкектен төрт дарыгерден турган бригада барган, эми андай зарылчылык Жумгалда да пайда болгону айтылды.

Үсөнбаев: «Бүгүнкү күндө Жумгал районунда да ошондой муктаждык чыккан. Ал жерге да дарыгерлердин тобун топтоп, жөнөткөнгө аракет кылабыз», - деди.

15-апрелге карата Кыргызстанда коронавирус 449 адамдан табылды, алардын 34ү Нарын облусунда.

Президент Сооронбай Жээнбековдун жарлыгы менен коронавируска байланыштуу 15-апрелден тартып 30-апрелге чейин Нарын шаарынын жана Ат-Башы районунун аймагына да өзгөчө абал киргизилген. (RK)

XS
SM
MD
LG