Өзбекстан жүргүнчү ташыган учактарды жүк ташуучу учак кылып өзгөртөт

21-Апрель, 2020

«Uzbekistan Airways» компаниясы жүргүнчү ташыган бардык «Boeing-767-300-ER» учактарын жүк ташуучу «Boeing-767-300-PTC» кылып өзгөртөт.

Пандемияга байланыштуу Өзбекстанда эл ташыган авиакаттамдар токтотулганына жана жүк ташууга муктаждык күчөгөнүнө байланыштуу компания ушундай чечимге келди.

«Азаттыктын» өзбек кызматы бул уюмдун маалыматына таянып билдиргендей, эконом класстагы отургучтар алынып салынып, 20 тонна жүк ташууга ылайыкташтырылат.

Учактарды өзгөртүү «Boeing» компаниясынын документеринин негизинде ишке ашырылат. Аны Өзбекстандын Транспорт министрлигине караштуу Авиация администрациясы тастыктады.

Бирок компаниядагы учактардын саны боюнча маалымат айтылган жок.

Өзгөртүлгөн учактардын алгачкы каттамы 21-апрелге пландалган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

дагы пикирлерди жүктөө