Линктер

ЧУКУЛ КАБАР!
20-Июнь, 2021 жекшемби, Бишкек убактысы 01:34

ИИМ: 34 автоунаа айып токтотмосуна коюлду


Иллюстрациялык сүрөт.

Ички иштер министрлигинин (ИИМ) маалыматына караганда, 26-апрелге карата өзгөчө абал киргизилген аймактарда коменданттык сааттын талаптарын 61 киши бузду. 34 автоунаа айып токтотмосуна коюлду.

Алардын ичинен: Бишкек шаарында – 47, Ош шаарында - 4, Ат-Башы районунда - 4, Сузак районунда - 6 адам кармалды. Алардын бардыгына түшүндүрүү иштери жүргүзүлүп, коменданттык сааттын аякташы менен бошотулду. Ал эми Жалал-Абад, Нарын шаарларында, Кара-Суу, Ноокат райондорунда тартип бузуу катталган жок.

Жалпысынан өзгөчө абал киргизилген 25-марттан тартып 3502 киши коменданттык сааттын талаптарын бузганы үчүн кармалып, кайра коё берилди.

Кыргызстандын коронавирус көп катталган Бишкек, Жалал-Абад, Нарын, Ош шаарларында, Ат-Башы, Кара-Суу, Ноокат жана Сузак райондорунда 30-апрелге чейин өзгөчө абал жарыяланган. Бул аймактарда 21:00дөн таңкы 6:00гө чейин көчөгө машине жана адамдар чыкпашы керек. (BTo)

XS
SM
MD
LG