Линктер

ЧУКУЛ КАБАР!
26-ноябрь, 2020 бейшемби, Бишкек убактысы 01:24

COVID-19: Маалымкат боюнча талап үчүн Ысык-Көлдүн жетекчиси өкмөттөн эскертүү алды


Иллюстрациялык сүрөт.

Премьер-министр Мухаммедкалый Абылгазиев Коронавируска каршы республикалык ыкчам штабдын сунушу менен өкмөттүн Ысык-Көл облусундагы ыйгарым укуктуу өкүлү Акылбек Осмоналиевге эскертүү берди. Буга ал макулдашпастан чечим кабыл алганы себеп болгону айтылды.

Өкмөттүн басма сөз кызматы бул тууралуу тараткан маалыматында: «Буга чейин Ысык-Көл облусунун ыкчам штабынын чечими менен облуска кирүүгө тыюу салынган, ал эми кирүү учурунда жарандардан коронавирус инфекциясынын бар-жогун аныктоо боюнча тесттен өткөндүгү жөнүндө маалымкат талап кылышкан. Бул чечимдер Республикалык ыкчам штабдын сунуштамаларына жана Саламаттык сактоо министрлиги бекиткен иш-аракеттердин алгоритмине дал келбейт», деп белгиленди.

Республикалык штаб тийиштүү алгоритмде каралган учурларды эске албаганда, жарандардан облуска, шаарга, районго жана башка конуштарга киргенде COVID-19 жок экендиги тууралуу маалымдама талап кылуу туура эмес экенин билдирди.

Ысык-Көл облус аймагына кирген учурда адамдар экспресс-тест же ПЦР анализ тапшыргандыгы жөнүндө маалымкат көрсөтүүгө тийиш экендиги тууралуу маалымат 3-майда чыккан.

Бишкек мэриясы шаарга кирүүнү каалагандардан медициналык аныктама талап кылууну көздөп жатканын кабарлаган.

Бул демилгелер коомчулукта кызуу талкууланууда. (RK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG